أدراك الحقائق أول الخطوات على الطريق الصحيح :
أكو أثنين سكارى يمشون بالليل متعاركين
الأول يكَول : هذا اللي بالسما كَمر
الثاني يحلف ويتكفّر و يكَول هاذي شمس مو كَمر
آخر شي قرروا يطرحون قضيتهم على أول واحد يصادفهم بالطريق , وبعد شوية أجه واحد مستطرق على أساس أبو العرّيف وسألوه : هذا شمس لو كَمر ؟
جاوبهم : بويه هذا لو صاروخ العابد , لو كَريندايز لو أم ذويل , أعذروني تره آني مو من المنطقه وجاي خطّار وبيتي بذاك الصوب .. راح الرجال وبقوا الجماعة متمالخين
شاهدنا على جماعتنا , يغمضون ويحچون ,من باب حب وغمّض وأحچي , وأكره وخنزر ألعن و أبچي .. تره ميصير هالشكل نبقى عايشين بالخيال والتأويل ياجماعة الخير , نريد معيار نقيس عليه أي شي , حتى عيار الشلغم يجيب نتيجة ويخلي البقال والمشتري مرتاحين الضمير , مصخت سالفتنا وصرنا مضحكة بحلوك الوادم , هذا يحب فلان وذاك يكره علّان , والتسقيط لاعب لعب الخضيري بشط , خلّي ناخذ الأنظمة بالمنطقة على سبيل المثال مو الحصر , يانظام زين ؟ و منو بي خير ؟
اللي يقتل شعبه و يجيب الحروب لو تطير ؟
لو اليبني جوامع وحسينيات و يخلي الأرامل والأيتام ويّاهم الحرامية والمساجين والمهاجرين بكَد نفوس الصين ؟
عوفونا من الغرب و مراح نصير مثلهم لو تطلع نخلة براس كل واحد من المتفائلين , ولاتكَولون عدنا دستور و أحنا التاريخ و بلاد الحضارات وداعتكم هذا فلم هندي مثل سوالف السلاطين , والله تاهت علينا وضيّعنا الصدك ياناس وأنقرض الزين بسعر الشين , و محد دمرّنا غير سالفة : الماعنده مستشار يحطله عمامه ويستشير , شكد أكره كنعان مكيّة كون أشوفه و أذكره شكَال لأولاد العم سام , صاير مفكّر و دمرنا هالمنعول الوالدين
أكو أثنين سكارى يمشون بالليل متعاركين
الأول يكَول : هذا اللي بالسما كَمر
الثاني يحلف ويتكفّر و يكَول هاذي شمس مو كَمر
آخر شي قرروا يطرحون قضيتهم على أول واحد يصادفهم بالطريق , وبعد شوية أجه واحد مستطرق على أساس أبو العرّيف وسألوه : هذا شمس لو كَمر ؟
جاوبهم : بويه هذا لو صاروخ العابد , لو كَريندايز لو أم ذويل , أعذروني تره آني مو من المنطقه وجاي خطّار وبيتي بذاك الصوب .. راح الرجال وبقوا الجماعة متمالخين
شاهدنا على جماعتنا , يغمضون ويحچون ,من باب حب وغمّض وأحچي , وأكره وخنزر ألعن و أبچي .. تره ميصير هالشكل نبقى عايشين بالخيال والتأويل ياجماعة الخير , نريد معيار نقيس عليه أي شي , حتى عيار الشلغم يجيب نتيجة ويخلي البقال والمشتري مرتاحين الضمير , مصخت سالفتنا وصرنا مضحكة بحلوك الوادم , هذا يحب فلان وذاك يكره علّان , والتسقيط لاعب لعب الخضيري بشط , خلّي ناخذ الأنظمة بالمنطقة على سبيل المثال مو الحصر , يانظام زين ؟ و منو بي خير ؟
اللي يقتل شعبه و يجيب الحروب لو تطير ؟
لو اليبني جوامع وحسينيات و يخلي الأرامل والأيتام ويّاهم الحرامية والمساجين والمهاجرين بكَد نفوس الصين ؟
عوفونا من الغرب و مراح نصير مثلهم لو تطلع نخلة براس كل واحد من المتفائلين , ولاتكَولون عدنا دستور و أحنا التاريخ و بلاد الحضارات وداعتكم هذا فلم هندي مثل سوالف السلاطين , والله تاهت علينا وضيّعنا الصدك ياناس وأنقرض الزين بسعر الشين , و محد دمرّنا غير سالفة : الماعنده مستشار يحطله عمامه ويستشير , شكد أكره كنعان مكيّة كون أشوفه و أذكره شكَال لأولاد العم سام , صاير مفكّر و دمرنا هالمنعول الوالدين
ليست هناك تعليقات:
إرسال تعليق