كلها منك زاد همّي وكثر وأنتَ وحدك علمتني السهر

قالها القائد الأميركي : العراق مقبل على الطائفية على طريقة (هد ثويره وأجاني ) كنّا حينها في العام 2004 نبيت في الأنبار ونتعشى بكركوك و نشرب قهوتنا في مدينة الثورة , حينها أستغربنا
وتبعه بايدن بعد فتره وعلى طريقة حامل الدجاجات والراديو والسطلة ليقول أن الفدراليه مقبلة وهي العلاج وأفضل من زرق الأبرة

كل واحد يكَول أميركا جابت الديمقراطية خلي يصلي ركعتين و يتعوّذ من نفسه , الديمقراطية صارت فرض عين على عيونهم بعد أفتضاح كل مبررات الغزو وأنكشاف أمرهم
ديمقراطية منفوسة سرقها بعض الشطّار مع أول دورة ليلتصقوا الى الأبد في كرسي السلطة , وهذا الحال على حطّة أيديكم من سبع سنين أذا مو عشرة , ولحد الآن يحوكون يريدون ياخذوها كلها , ويبقى العراق مفلّش وأهم شي أسرائيل متأمنة و خلي العالم يشتعل مو مشكلة .. شوكت تصحى الناس وتعرف الشغلة ؟
لو أكو واحد فهيم وعنده قرار كان جمع الوادم و فتح صفحة , والوادم عدنا كلها قلوب سمج , نومسه وأخذ عباته , ويصير وياك دهن ودبس , أخوك ثم أخوك و عوف كيري و بايدن لأن أثنينهم مشعولي صفحة ...

U.S. Secretary of State John Kerry flies over the Arch of Triumph in Baghdad during his visit on March 24, 2013.
أن شاء الله نهايتكم مثل هتلر اللي أنولد بهيك يوم لأن ماحصلنا منكم بس الملاحم و القتل المستمر و الفتن