اليوم الدنيا بيها كَرصة برد ما أدري وين صرنا وتيّهنا حساب العرب , مدري أحنا بجويريد ويجوز راح تطب المربعانيّه وأحنا مسنحين ماندري دنيانا طشّت رشّت, بس الهوسه الله وكيلكم , الله يرحم أيام زمان كانت عجايزنا وشيّابنا حافظيها على الغيب , أحب البرد لو ماشغلة الصوبات ,
تعال
طلعهم و لازم تبدل فتايلهم , واذا ودّيتهم لأبو الصوبات يبقن أسبوع أسبوعين لأن
عليه أزدحام , ويكَوم يتنعقر بروسنا جيب فلان فتيله , وهاي مترهم روح جيب غيرها
ويسويها قصة عنتر , خصوصا" أبو وسام اللي بشارعنه فد واحد لغوچي تكَول حلّاق
مو مصلّح صوبات نايب ضابط بالجيش السابق وعدكم الحساب , أحسن شي
أتحنبط بيهن آني والولد , اذا ماخربناهن وتعال أشتري جديد , هو الشتا عدنا بس
شهرين مو أكثر , ومحضرين برميل النفط لأن الكهرباء على حطّة أيديكم , و أغسل
أيدك يالملوع دبّر الشهرين وأطلع , من الشتا للصيف عدل ماكو ربيع بهالبلد .. صدكَ
مشكله نتحملها وأمرنا لألله
ليست هناك تعليقات:
إرسال تعليق