الجمعة، 2 أغسطس 2013

خوفني أنتخبك آخر طرق ديمقراطية الخوف وغطرسة البقاء

بشرفكم هم شايفين قناة رسمية حكومية تخوّف الناس
و تخليهم في قلق و هواجس و أحتباس
العراقية تكَول : شبح الحرب الأهلية يخيم على العراق !!
هاي قبل شوية شفتها بالمانشيت و طلع وراها الناطق أبو شوارب الخفيفه المانعرف يادورة أتخرج من كلية الشرطة و صار لواء وياخذوله كومة تحيّات
رأسا" أتذكرت منعول الوالدين (جورج كيسي ) لما صرّح بوقتها تصريح غريب وكَال نفس الكلام بالألفين و خمسه , وكل العراقيين ما عرفوا قصده , لأن ماكان أكو شي أسمه حرب أهلية , و كل المدن سالمة و غانمة و بخير
والله عيب عليكم تخوفون الوادم خاطر ينسون الفشل وينتخبوكم
يعني العراقي يشوف الموت خاطر يرضى بالصخونه , خايبين كافي مو صرنا سالفة بحلوكَ الشمّات , شلون درب دنيء وتعبان
هاي فد يوم من الأيام صار مؤتمر يسمّوه (مصالحة وطنية) أشترك بي واحد من عمامي كان رئيس قبيلة , سألته لما شفته شنو مصالحة وطنية
جاوبني : يكَول الجماعة عدهم طلايب بيناتهم وجاي يشمروها علينا
و أستمر يسولف , لما صعدت على المنصّة ما أستحيت منهم و رديت عليهم :
أحنا شعب واحد من آل وبني تربطنا المحبة و الطيبات , أحنا متصالحين ويّه ربعنا من آلاف السنين , روحوا حلّوا مشاكلكم بعيد عن شعب العراق
ولما كملت صفّق كل الحضور و كلمن لبس عباته وراح وما أهتموا للوزير والحبربش و الفضائيات .. هاي ماطلعت بالتلفزيون لأن ماتصرّف لجماعة التخويف من أجل البقاء ...
خوفني أنتخبك .. ما تعبر حشاكم بس على الأغبياء
 
جامع أم الطبول تموز 2013

محسن لفته الجنابي

Posted by at

ليست هناك تعليقات:

إرسال تعليق

الاشتراك في: تعليقات الرسالة (Atom)