بالعافية القبّوط الجديد على الشعب العراقي
ولو الجو حار و القهر واصل للستّار
...
يكَولون راح يطلع أو( طلع ) قانون للأنترنت يبطح أكبر
واحد ويخليه يسمع (هوتل كالفورنيا) وياكل سنة
سجن ويمكن توصل للمؤبد اذا جاب طاري أي شي
يمس الحكومة أو الدين أو المجتمع أو الأسرة أو الحياة الخاصة ...الخ وجيب وحط ممنوعات
, يعني تفصال على نسبة 99,99% من المستخدمين و مراح يخلص من السجن بس جماعة المزرعة
السعيدة وأبراج ماغي فرح
أخونا المشرّع تره الدنيا دوّراه وباجر
تطلع بالچلاليق وتصير معارض أو مواطن عادي
لاسامح الله , ويمكن يلكَفوك و يطبقون
عليك قانونك وتشرب من نفس الكاس اللي مليته سم وزقنبوت و تسمع (آيم ألون ) .. العالم وين وصل وجنابك تريد ترجعنا لجمهورية
الخوف ؟ عمي حقك لأن الصوچ بينا موبيك , وصرنا مثل أبو اليكَول
:
اخرس وكَع بالماي اشّر بصبعه
واليمّه بس عميان ياهو اليطلعه
ويم حسين
واليمّه بس عميان ياهو اليطلعه
ويم حسين
ليست هناك تعليقات:
إرسال تعليق