لأمين العام (بان) طلع شخصية حقيقية ويگدر يوگـف على حيله يمعودين
وسالفة شهادة الوفاة اللي طلعت بأسمه مو صحيحة و روح كيمون
وأحتمال أذا شد حيله يتذكر العراق و شدا يصير بالمسيحيين والمسلمين
اليوم أستنكر مذبحة الشجاعية بغزة و طلب من أسرائيل ضبط النفس !
وهاي مال (ضبط النفس) تذكرني بسالفة حسوني السمين أبن صاحبنا العصبي جبّار ماليبو الله يذكره بالخير
كان جبار كل ما يجي بالليل يجيب وياه أبنه حسوني لما نتعلل بالبيت والأخير مدلل ومشندل والله مايجرعه و لازكَ بأبوه ويتربع بالوسطة مثل فرعون , كافش هذا و خامش ذاكا ومحّد يندك بيه
حسوني يحب الفاصوليا و الباميا والعمبه والتشريب ودائماً يجينا مفرفح و منفوخ
ويهدها علينا بدون مقدمات أو أدنى تحذير
طگت رواحنا بالأخير وأتفقنا نفاتح أبو حسوني بأن لازم يضع حد لتصرفات أبنه الأدب سز , لأن مرّات يگـعدون ويّانه ناس غربة فشله من عدهم و عيب
ربك الله هداه لأبو حسوني و وعدنا خير وكَام يصيح بأبنه :
أضبط نفسك باباتي .. أضبطها أروحلك فدوة
وراها گام حسوني يذب بدل القنبلة الوحده خمسين , كلها من هذا المهداد الغير قابل للتشظية اللي شفناها بالجيش
بحيث تعودنا كلما نسمع كلمة أضبط نفسك , ناخذ أنبطاح لو ننهزم و نشوفلنا ديره بيها هوى الله لأن الغازات تسد الخشوم و تعمي حتى العيون
عوفونا وخلي نشوف العملية السياسية , بعدها سختچية لو تغيرت , الله يرحم أمي كانت تگـول : الأنسان يوميّة ينبتله عقل ... وليدي
شو جماعتنا مخلصيها سوالف ومانسمع غير معارك النساوين , بس الشهادة لله هذا سليم الجبوري يگلون عليه حباب وفقير , تتصورون راح يعدل مايلها و يگدر يلم الوادم على حب الله ويخلصنا من حسوني و داعش والمتوحشين , صارت الريحة مثل ريحة المغيسل النوب بتموز ..أنفخ بويه أنفخ على گـولة ذاك اليهودي بسوكَ الصفافير
عساكم سالمين
وسالفة شهادة الوفاة اللي طلعت بأسمه مو صحيحة و روح كيمون
وأحتمال أذا شد حيله يتذكر العراق و شدا يصير بالمسيحيين والمسلمين
اليوم أستنكر مذبحة الشجاعية بغزة و طلب من أسرائيل ضبط النفس !
وهاي مال (ضبط النفس) تذكرني بسالفة حسوني السمين أبن صاحبنا العصبي جبّار ماليبو الله يذكره بالخير
كان جبار كل ما يجي بالليل يجيب وياه أبنه حسوني لما نتعلل بالبيت والأخير مدلل ومشندل والله مايجرعه و لازكَ بأبوه ويتربع بالوسطة مثل فرعون , كافش هذا و خامش ذاكا ومحّد يندك بيه
حسوني يحب الفاصوليا و الباميا والعمبه والتشريب ودائماً يجينا مفرفح و منفوخ
ويهدها علينا بدون مقدمات أو أدنى تحذير
طگت رواحنا بالأخير وأتفقنا نفاتح أبو حسوني بأن لازم يضع حد لتصرفات أبنه الأدب سز , لأن مرّات يگـعدون ويّانه ناس غربة فشله من عدهم و عيب
ربك الله هداه لأبو حسوني و وعدنا خير وكَام يصيح بأبنه :
أضبط نفسك باباتي .. أضبطها أروحلك فدوة
وراها گام حسوني يذب بدل القنبلة الوحده خمسين , كلها من هذا المهداد الغير قابل للتشظية اللي شفناها بالجيش
بحيث تعودنا كلما نسمع كلمة أضبط نفسك , ناخذ أنبطاح لو ننهزم و نشوفلنا ديره بيها هوى الله لأن الغازات تسد الخشوم و تعمي حتى العيون
عوفونا وخلي نشوف العملية السياسية , بعدها سختچية لو تغيرت , الله يرحم أمي كانت تگـول : الأنسان يوميّة ينبتله عقل ... وليدي
شو جماعتنا مخلصيها سوالف ومانسمع غير معارك النساوين , بس الشهادة لله هذا سليم الجبوري يگلون عليه حباب وفقير , تتصورون راح يعدل مايلها و يگدر يلم الوادم على حب الله ويخلصنا من حسوني و داعش والمتوحشين , صارت الريحة مثل ريحة المغيسل النوب بتموز ..أنفخ بويه أنفخ على گـولة ذاك اليهودي بسوكَ الصفافير
عساكم سالمين
ليست هناك تعليقات:
إرسال تعليق