من الساعة ثمانية لحد الآن
أنطفت الكهرباء ورجعت أكثر من ثلاثين مرّة
داعيكم يحسب طفيات من المغرب لي هسّه
تحياتي الى محسن شلاش و أيهم والسامرائي و الكريمين (وحيد و عفتان) و دولة الشهرستاني ومسيت العافيه عليكم
صدك شخباركم أموركم , الحجّي شلونه باع البيت لوبعده
كل شي بالقسمه وأهم شي حياتكم أحسن من حياتنا سبعتالاف مرّة
هم زين أتذكرت : أبو المولدة يسلم عليكم ويكَول على أساس سنة سنتين أشو صار عشر سنين سارحين بالكَنافذ وماكو نتيجه .. يمعودين بلكي تشوفولنا صرفه
حتى لو حديث بالتلفزيون هم راح نصدك بيكم و نرتاح و بعد ما نسأل , والعافيه بالتداريج خليها تجي حتى لو بعد سبعين سنة مو مشكلة
وعساها أبخت كل واحد ساكت عن واحد يبوكَ و محّد يسأله
أودعناكم أغاتي ونشوفكم بحياة أخرى مابيها سرقات وكلاوات
ليست هناك تعليقات:
إرسال تعليق