كاعد كاشخ من الصبح وأنتظر فرج الله حتى نوم ماشبعت
الشارع أنفتح بعد الثنتين الظهر وأجاني الخبر مثل قرار الأفراج من السجن طلعت لكَيت السريع اللي يسمّوه أوتوستراد صاير ركضة طويريج والسيارات متلازكَه الدعامّية بالدعّامية من أبو دشير لحد معسكر الرشيد و أكو واحد شايل ترمز يبيع جاي على سريع الدورة صار صديقي ومقبل ياخذ فلوس لأن وكفت يمّه ساعه وربع وماخلينا سالفه تعتب علينا وجبناها من نوري سعيد لحد أقرار الموازنة البارحه العصر و أخيرا" أنفتح الدرب وأنطلقنا لذاك الصوب بالقل هو الله احد , متواعد ويّه جماعه وصلتهم بالخمسه قبل المغرب ويجيك واحد بطران و ينعثل و يكَول علينا متخلفين مانحترم الوقت , أكو شغلة غثّتني , باوعت بالطريق على كازينوا كنّا ننطمر بيها بأيام الصبا بين الرصافة و الجسر أسمها صدر بغداد صايرة على القناة مسوييها سوبر ماركت عساه يصبّح محتركَ , لأن نعتبرها جزء من ذكرياتنا الحلوة ألنا حصّه بكل ركن بيها والمفروض من تنباع ياخذون موافقتنا أو على الأقل ينطونا علم وسالفتها طويله يجي يوم و أسولفها , رجليني تاخت من الكلج والبريك و أخيرا" وصلت , نزلت أطّوطح جماعتي حسبالهم أنحرفت .. لكَيت تشكيله من الأصدقاء شوفتكم كل طير من كتر , أرقى ناس بيهم كانوا أولاد المطران رائد و زياد وأبناء أخوه نسيت أسمائهم و أكثر شي تونسنا بيه سوالف ملة جاسم ابو قميص أسود و ابراهيم أبو لحيّه المزيّن شواربه وسوينالهم محكمة بأعتبار الاول صكَاك والثاني علّاس سابقا"وخليناهم يعلنون التوبه و يحلفون بصدر بغداد بأن يصيرون أوادم و ما يدورون مكسرات تالي وكت و يرجعون حبّابين مثل ما كانوا بالأول , وداعيكم كرخي للرصافه شجابه وأتورط واليوم بايت هنا وتعال يامن ترجعني .. ومسيت العافيه على غير أهلنا
محسن لفته الجنابي
الشارع أنفتح بعد الثنتين الظهر وأجاني الخبر مثل قرار الأفراج من السجن طلعت لكَيت السريع اللي يسمّوه أوتوستراد صاير ركضة طويريج والسيارات متلازكَه الدعامّية بالدعّامية من أبو دشير لحد معسكر الرشيد و أكو واحد شايل ترمز يبيع جاي على سريع الدورة صار صديقي ومقبل ياخذ فلوس لأن وكفت يمّه ساعه وربع وماخلينا سالفه تعتب علينا وجبناها من نوري سعيد لحد أقرار الموازنة البارحه العصر و أخيرا" أنفتح الدرب وأنطلقنا لذاك الصوب بالقل هو الله احد , متواعد ويّه جماعه وصلتهم بالخمسه قبل المغرب ويجيك واحد بطران و ينعثل و يكَول علينا متخلفين مانحترم الوقت , أكو شغلة غثّتني , باوعت بالطريق على كازينوا كنّا ننطمر بيها بأيام الصبا بين الرصافة و الجسر أسمها صدر بغداد صايرة على القناة مسوييها سوبر ماركت عساه يصبّح محتركَ , لأن نعتبرها جزء من ذكرياتنا الحلوة ألنا حصّه بكل ركن بيها والمفروض من تنباع ياخذون موافقتنا أو على الأقل ينطونا علم وسالفتها طويله يجي يوم و أسولفها , رجليني تاخت من الكلج والبريك و أخيرا" وصلت , نزلت أطّوطح جماعتي حسبالهم أنحرفت .. لكَيت تشكيله من الأصدقاء شوفتكم كل طير من كتر , أرقى ناس بيهم كانوا أولاد المطران رائد و زياد وأبناء أخوه نسيت أسمائهم و أكثر شي تونسنا بيه سوالف ملة جاسم ابو قميص أسود و ابراهيم أبو لحيّه المزيّن شواربه وسوينالهم محكمة بأعتبار الاول صكَاك والثاني علّاس سابقا"وخليناهم يعلنون التوبه و يحلفون بصدر بغداد بأن يصيرون أوادم و ما يدورون مكسرات تالي وكت و يرجعون حبّابين مثل ما كانوا بالأول , وداعيكم كرخي للرصافه شجابه وأتورط واليوم بايت هنا وتعال يامن ترجعني .. ومسيت العافيه على غير أهلنا
محسن لفته الجنابي
ليست هناك تعليقات:
إرسال تعليق