هسّه أتذكرت .. ذاك اليوم قدوري ضربني طابوكَه وأنهزم
كنت بالخامس أبتدائي آني وياه والأصدقاء نلعب طوبه
كَام يزاغل و يلعب خشن وطردناه بالچلاليق
وره ربع ساعه رجع يصيح و يشتّم ما أعرف شجاه يمكن أتخبل
كان شايل نص طابوكَه وشمرها علينا
داعيكم فكَر و أجت براسي عدل , وصار دمّي بطولي
وقّفنا اللعبة و راح صاحبنا أركان جاب قطعة قماش لأن بيتهم قريب و قوطية كيكوز بيها مي وثلج
غسلت الجرح و ركضنا ندوّر عليه , ملعون الوالدين أختفى
و رجعنا نلعب و بثاني يوم ورّم الجرح و أخذتني أمي لمستشفى اليرموك , قال الطبيب : الجرح ملتهب
جاب مقص و لعب بيّه طوبه بدون بنج , وآني أصرّخ .. وره كم يوم نشف الجرح و طبت
رجعت أدور على قدّوري .. كَالوا راح يم خواله يخلّص العطله
العطله كانت ثلث أشهر وعشرتيام وأحنا في بدايتها .. ما أدري شجاني ونسيت السالفه لما بدا الدوام ورجع قدّوري يمشي ويانا ونسينا الموضوع و أنقفل ..
اليوم أتذكرت هاي السالفه , صحيح قديمة من عام 1978 , بس حيل أنقهرت .. منو يعرف قدّوري ؟
أطلبه ثار عتيك و أذا ألزمه أشرب من دمّه وأراويه نجوم الظهر .. وأرجوكم لحّد يكَول عوفه أشو العالم كلها تطلب ثارات من آلاف السنين , هيّه بقت عليّه و النوب طلع بيها جانب مفيد راح أشرحه وكل واحد يجيب ربع :
يقول العلماء المختصين بدراسة الذاكرة أن السبب الرئيسي لمرض الزهايمر هو أهمال المعلومات الكثيرة المتراكمة في الذاكرة مما يصيب الدماغ بالتلف .. وراح أسوّي فيد باك لكل المصائب و المناقب لي ولكل المنطقه ,و أخلي الدماغ في قمّه النشاط و العنتكه , و راح أفتح شكو دفتر عتيكَ , حتى أبقى محافظ على الذاكرة .. تذكرت الآن أبو طبر و شلون عشنا برعب , شنو عشيرته و منين أصله وفصله.. هاي محتاجه أستكان شاي مع ورقه و قلم .... وأشوفكم أغاتي
محسن لفته الجنابي 26-3-2013
كنت بالخامس أبتدائي آني وياه والأصدقاء نلعب طوبه
كَام يزاغل و يلعب خشن وطردناه بالچلاليق
وره ربع ساعه رجع يصيح و يشتّم ما أعرف شجاه يمكن أتخبل
كان شايل نص طابوكَه وشمرها علينا
داعيكم فكَر و أجت براسي عدل , وصار دمّي بطولي
وقّفنا اللعبة و راح صاحبنا أركان جاب قطعة قماش لأن بيتهم قريب و قوطية كيكوز بيها مي وثلج
غسلت الجرح و ركضنا ندوّر عليه , ملعون الوالدين أختفى
و رجعنا نلعب و بثاني يوم ورّم الجرح و أخذتني أمي لمستشفى اليرموك , قال الطبيب : الجرح ملتهب
جاب مقص و لعب بيّه طوبه بدون بنج , وآني أصرّخ .. وره كم يوم نشف الجرح و طبت
رجعت أدور على قدّوري .. كَالوا راح يم خواله يخلّص العطله
العطله كانت ثلث أشهر وعشرتيام وأحنا في بدايتها .. ما أدري شجاني ونسيت السالفه لما بدا الدوام ورجع قدّوري يمشي ويانا ونسينا الموضوع و أنقفل ..
اليوم أتذكرت هاي السالفه , صحيح قديمة من عام 1978 , بس حيل أنقهرت .. منو يعرف قدّوري ؟
أطلبه ثار عتيك و أذا ألزمه أشرب من دمّه وأراويه نجوم الظهر .. وأرجوكم لحّد يكَول عوفه أشو العالم كلها تطلب ثارات من آلاف السنين , هيّه بقت عليّه و النوب طلع بيها جانب مفيد راح أشرحه وكل واحد يجيب ربع :
يقول العلماء المختصين بدراسة الذاكرة أن السبب الرئيسي لمرض الزهايمر هو أهمال المعلومات الكثيرة المتراكمة في الذاكرة مما يصيب الدماغ بالتلف .. وراح أسوّي فيد باك لكل المصائب و المناقب لي ولكل المنطقه ,و أخلي الدماغ في قمّه النشاط و العنتكه , و راح أفتح شكو دفتر عتيكَ , حتى أبقى محافظ على الذاكرة .. تذكرت الآن أبو طبر و شلون عشنا برعب , شنو عشيرته و منين أصله وفصله.. هاي محتاجه أستكان شاي مع ورقه و قلم .... وأشوفكم أغاتي
محسن لفته الجنابي 26-3-2013
ليست هناك تعليقات:
إرسال تعليق