ماشفت
مثل ربعنا عدهم سوالف ماينلبس عليها (عكَال) وأبو طبع
أسأل على سلامته , وين ماتروح تلكَي الريحه نفسها , تكول علوة سمج بحظر التجوال
لثاني يوم بايت
من الصبح أجوني أثنين خيرين واحد من سلمان باك والثاني من المحموديه , أستقبلتهم و عفت شغلي : كل الهلا بيكم , كَولوا و تمنوا سبحانه الجمعكم .. طلعوا جايين يريدوني أسوّيلهم شغله تزوير چبيره و أمشيها ألهم بأي طريقه , كَولوا غيرها يمعودون .. بكل بساطه و بدون مستحى سولفوها مثل أي شغلة بيع وشرا .. أنصدمت و رزلتهم و نزلت دوسه ونص عليهم وعلى وضعنا الأكَشر .. زعلوا وكَاموا .. وزعلة عين أبوي , متزعلون مو صرتوا مثل الطاعون وين ننطي وجوهنا منكم ... المهم كملت شغلي ورحت ويّه زميلي علاوي مرّينا بأبو كرّار صاحبي عنده مول ومطعم چبير درجه أولى وصينا على نص نفر لكل واحد ومكانكم خالي .. شلونك مالونك , چانت أكو سالفه حاصرته يريد يسولفها وأجه كَعد يمي , سولف أبو كرار : البارحه أجاني وكيل الوزير فلان الفلاني , و تغدّوا هوّه وجماعته بعشر ملايين
- يابه كم واحد همّه ؟
- حوالي خمسين
- متكَلّي شأكلوا ؟
-كل واحد منهم أخذ خمس وجبات سفري فوكَ الأكل والنمنمات وكل وجبه بخمسه وعشرين ألف
-وشكو بيها , خلّي يمهلون نفسهم والفلوس الماتفيد راعيها أشمرها بالشط وذبها
-المشكله مو بالأكل , بس الشغله الغريبه لما خابرني صاحبك أبو تغريد أبو الأبنية .. وكَال فلوس الأكل واصل على حسابي
وشنو الغريب , مابيها شي ,أبو تغريد أبن عرب و يكرم و يجوز يطلبوه عزيمه , قابل الوادم تكَاطعت , لاتروح بعيد أبو كرّار ..
حقيقه آني اللي رحت بعيد لأن أتذكرت أنو صاحبي الصاح وير على الوكيل وجماعته ماعنده غير راتبه ويّه المخصصات مليون وستميّة منين دبّر العشر ملايين يصرفها بوجبة وحده صدك أمور التعجب أهلها
كلها بصفحة و سالفه السيطرات اليوم بصفحه , ظلّيت خمس ساعات بطريق طوله 30 كيلوا , نفس الوقت التي يقطعه المسافر من فلوريدا لكارولينا الشماليه لأن اليوم أخذت البيك آب وجبت قنفات صارت نقمه عليّه .. بس الشهادة لله خشب صاج الأول وكَعدتهن مريحه .. وتصبحون على خير بلكي باچر أحسن من اليوم والبارحه وأوّل البارحه ..
من الصبح أجوني أثنين خيرين واحد من سلمان باك والثاني من المحموديه , أستقبلتهم و عفت شغلي : كل الهلا بيكم , كَولوا و تمنوا سبحانه الجمعكم .. طلعوا جايين يريدوني أسوّيلهم شغله تزوير چبيره و أمشيها ألهم بأي طريقه , كَولوا غيرها يمعودون .. بكل بساطه و بدون مستحى سولفوها مثل أي شغلة بيع وشرا .. أنصدمت و رزلتهم و نزلت دوسه ونص عليهم وعلى وضعنا الأكَشر .. زعلوا وكَاموا .. وزعلة عين أبوي , متزعلون مو صرتوا مثل الطاعون وين ننطي وجوهنا منكم ... المهم كملت شغلي ورحت ويّه زميلي علاوي مرّينا بأبو كرّار صاحبي عنده مول ومطعم چبير درجه أولى وصينا على نص نفر لكل واحد ومكانكم خالي .. شلونك مالونك , چانت أكو سالفه حاصرته يريد يسولفها وأجه كَعد يمي , سولف أبو كرار : البارحه أجاني وكيل الوزير فلان الفلاني , و تغدّوا هوّه وجماعته بعشر ملايين
- يابه كم واحد همّه ؟
- حوالي خمسين
- متكَلّي شأكلوا ؟
-كل واحد منهم أخذ خمس وجبات سفري فوكَ الأكل والنمنمات وكل وجبه بخمسه وعشرين ألف
-وشكو بيها , خلّي يمهلون نفسهم والفلوس الماتفيد راعيها أشمرها بالشط وذبها
-المشكله مو بالأكل , بس الشغله الغريبه لما خابرني صاحبك أبو تغريد أبو الأبنية .. وكَال فلوس الأكل واصل على حسابي
وشنو الغريب , مابيها شي ,أبو تغريد أبن عرب و يكرم و يجوز يطلبوه عزيمه , قابل الوادم تكَاطعت , لاتروح بعيد أبو كرّار ..
حقيقه آني اللي رحت بعيد لأن أتذكرت أنو صاحبي الصاح وير على الوكيل وجماعته ماعنده غير راتبه ويّه المخصصات مليون وستميّة منين دبّر العشر ملايين يصرفها بوجبة وحده صدك أمور التعجب أهلها
كلها بصفحة و سالفه السيطرات اليوم بصفحه , ظلّيت خمس ساعات بطريق طوله 30 كيلوا , نفس الوقت التي يقطعه المسافر من فلوريدا لكارولينا الشماليه لأن اليوم أخذت البيك آب وجبت قنفات صارت نقمه عليّه .. بس الشهادة لله خشب صاج الأول وكَعدتهن مريحه .. وتصبحون على خير بلكي باچر أحسن من اليوم والبارحه وأوّل البارحه ..
ليست هناك تعليقات:
إرسال تعليق