بطلوا من البواچـي لا تخرعونه
ميتكم فطس ومبحلج أعيونه
وصّه أجبيّر وشمخي على التنور
وگاللهم بعد عندي عجل مكسور
وگاللهم بعد عندي هويشه وثور
للخطار ثوري لا تذبحونه
وعندي بعد خنجر ماكو بيه أگراب
وعندي طاكَ رحه ومعجنه وجراب
وعندي أجاجه عوره وعندي تسع أچـلاب
وعندي چـلب أعرج لا تبيعونه
وعندي بيت بردي ماعليه أحصير
لو گـام الهوه كل الحنايه أتطير
وعندي تانكي بي چـنت احط اشعير
أمزرّف والتنـكــچـيّه يلحمونه
وعندي جرد قوري بغير بلبوله
مو سكسون محد شايف اشـچـوله
يخر من صفحته لوهيّس أبلوله
خلوه بثوابي لا تكسرونه
وعندي جرد دوشك خذته ربيّه
شغل بيروت جبته من الصليـچـيه
وعندي حزام بردي وجرد صينيه
وعندي صخل أعشم لا تجوعونه
وعندي ميجنه وجاون وجرد الحاف
شريته العام من أجبير النداف
أبدال الگطن حطوله ورك َصفصاف
للخطـــــــــــار يا ولادي تخلونه
وعندي شماغ شعري مشتريه بفلوس
بصندوگي مطّركَ بعده ما ملبوس
وعندي كحل صافي جايبه من ( الروس )
بثوابي للأريمد كحلوا أعيونه
الشاعر الشيخ حسين قسام بن الشيخ عبود الخفاجي ولد في النجف 1898 – وتوفي في العام 1960
ميتكم فطس ومبحلج أعيونه
وصّه أجبيّر وشمخي على التنور
وگاللهم بعد عندي عجل مكسور
وگاللهم بعد عندي هويشه وثور
للخطار ثوري لا تذبحونه
وعندي بعد خنجر ماكو بيه أگراب
وعندي طاكَ رحه ومعجنه وجراب
وعندي أجاجه عوره وعندي تسع أچـلاب
وعندي چـلب أعرج لا تبيعونه
وعندي بيت بردي ماعليه أحصير
لو گـام الهوه كل الحنايه أتطير
وعندي تانكي بي چـنت احط اشعير
أمزرّف والتنـكــچـيّه يلحمونه
وعندي جرد قوري بغير بلبوله
مو سكسون محد شايف اشـچـوله
يخر من صفحته لوهيّس أبلوله
خلوه بثوابي لا تكسرونه
وعندي جرد دوشك خذته ربيّه
شغل بيروت جبته من الصليـچـيه
وعندي حزام بردي وجرد صينيه
وعندي صخل أعشم لا تجوعونه
وعندي ميجنه وجاون وجرد الحاف
شريته العام من أجبير النداف
أبدال الگطن حطوله ورك َصفصاف
للخطـــــــــــار يا ولادي تخلونه
وعندي شماغ شعري مشتريه بفلوس
بصندوگي مطّركَ بعده ما ملبوس
وعندي كحل صافي جايبه من ( الروس )
بثوابي للأريمد كحلوا أعيونه
الشاعر الشيخ حسين قسام بن الشيخ عبود الخفاجي ولد في النجف 1898 – وتوفي في العام 1960
ليست هناك تعليقات:
إرسال تعليق