تعالوا يارفاكَه نصير جمعيّه
الكل منّا يشاكَف عن خصاويّه
خصاوينا أصبحت بالدين مطلوبه
وذاك كحيل من يحفظ جرد ثوبه
هم كرّاي حشري ومطبكَ ونوبه
وكل تغار منّه فلاحتي وجيّه
وجيّه شلون كَلّي بعبّي أعبيها
وأجر چاي وتتن خام وشكر بيها
اجت مرتي أكرفتها وكَلت جيبيها
بعد علف الطلي وكَفّة سواريّه
سواريّه وطلي وهم العلف منّي
ونايف يارفاكَه شلون بهذلني
چنت فلاح جوكَ ولنّي مشنّي
رحت مابين سكته وبين وسطيّه
وسطيّه من الحكومه لو أمر مكَوار
ونايف عل الفدان يريد نص تغار
موش تغار حلّه كَفاف عنده كبار
الكَفّه ثلث تمنان وشويّه
الشويّه العليها رياحة الچيّال
هم كَفّه چبيره ويكرف المسحال
عنكم هاي لكن هاذي البهذال:
عكَره يريد منّي ونكَصه وترابيّه
ترابيّه عوض مسطاحه الكومه
كَفّه من الفدان وهاي معلومه
والينظر عليّه يسلب هدومه
لانشره ولاوزرة لخصاويّه
محسن لفته الجنابي
كان الشيخ نايف الجريان رحمه الله يمثل الحكومه المحلية ويمتلك معظم المقاطعات في الفرات الأوسط تقلد منصب مساعد الشيخ عداي الجريان(عضو مجلس الأعبان في العهد الملكي) الى وفاة الأخير في العام 1935 وترأس العشائر هناك و كانت حياة الناس بسيطه تقتصر في موردها على الزراعه التي تدار من قبله ومساعديه وصفه أحد مؤرخي العراق الدكتور حازم الونداوي الاستاذ في جامعة بغداد لفتره طويله (مغترب حاليا") بأنّه من أعظم أقتصاديي العراق في الجانب الزراعي في تلك الفتره ويعتبر من مؤسسي نظريه (أعمل تحصل على الغذاء) ويقول المعاصرون أنه كان يمتلك القدرة على توفير الغذاء لكل الفلاحين وعوائلهم في عصر كانت الزراعه في بداياتها في العراق وتستخدم فيها طرق بدائية جديدة بالنسبه لهم كونهم كانوا قبل ذلك بفترة ليست بالطويله بدوا" رحّلا" , لكن بعض الفلاحين كانوا يحتجون على طريقه قسمة المحصول التي تلحق الغبن بالفلاح بحسب ادعائهم , وان جدليه علاقة الفلاح مع المالك للأرض تضعنا في تضارب للأدعاءات بينهما , الفلاح يدّعي الغبن ومالك الأرض يدّعي كسل الفلاح وتراخيه , وهذه القصيدة الشهيرة تصور جانبا" من الصراع , الّفها الشاعر عبد الله دفار حفيد شاعر البوسلطان المعروف مهجج الذي ورد ذكره في المعارك التي دارت في القرن التاسع عشر وبداية القرن العشرين وغيرها , القصيدة فيها مبالغه معهوده ومتوقعه من الشعراء ليمنحوا قصائدهم أهمية ويجذبوا أنظار الناس من حولهم
ردحذفمحسن لفته الجنابي